Alimlərin qənaətincə, çiyələk yemək insanın əhvali-ruhiyyəsini qaldırır və gümrah edir. Stressi aradan qaldırmaq üçünsə, sadəcə, 150 qram çiyələk yemək kifayətdir. Çiyələk özündə olan 50 ətirli maddənin təsiri nəticəsində mənfi emosiyaları neytrallaşdırır. Alimlər vurğulayırlar ki, bu giləmeyvədə olan bir çox xeyirli maddənin təsiri nəticəçində çiyələk qanı təmizləyir, immun sistemini gücləndirir, maddələr mübadiləsini yaxşılaşdırır, ürək-damar sisteminin fəaliyyətini normallaşdırır, hətta xərçəng xəstəliyinin qarşısının alınmasında da müsbət təsir göstərir. Bundan əlavə, çiyələk qrip və soyuqdəymə üçün də ən yaxşı vasitə hesab olunur. Onu yemək diş və baş ağrılarını da aradan qaldırır. Çiyələyin şirəsindən kosmetik vasitələrin hazırlanmasında da istifadə edilir.
