Alimlər ilk dəfə sübut ediblər ki, alçaqboylu insanların ürək-damar xəstəliklərinə tutulması və ürəktutmalarından həyatdan köçmək riskləri digərləri ilə müqayisədə 1,5 dəfə çoxdur. Bu məsələyə cinsiyyətin də dəxli yoxdur. "European Heart Journal"da dərc edilən məqaləyə görə, bunun əsl səbəbi məlum deyil. Ona görə də əlavə araşdırmalara ehtiyac var. Alimlər isə iddia edirlər ki, insanların uşaq olduqları dönəmdə tam şəkildə boy ata bilməmələri heç də həyat tərzi və sosial problemlərlə bağlı deyil. Bu, uşaqlara valideynlərin genləri vasitəsi ilə ötürülür. İlk dəfə insanların alçaqboylu olması və ürək-damar xəstəliklərinə tutulması arasındakı asılılıq barədə tibbi analizin nəticələri 1951-ci ildə nəşr edilib. Həmin vaxtdan bu asılılığı müəyyənləşdirmiək üçün 200-ə yaxın təcrübə aparılıb.
