İnsanların ən çox üzləşdikləri problemlərdən biri depressiyadır. Depressiya insanların gündəlik həyat tərzinin ayrılmaz tərkib hissəsinə çevrilib. Bu xəstəliyə tutulan insanlar çox zaman onun təsiri nəticəsində özlərinə xəsarət yetirməkdən belə çəkinmirlər. Ona görə də alimlər depressiyadan tez çıxmağın yollarını daimi olaraq araşdırmaqdadırlar. Psixoloqlar dondurmanın depressiyanın əla dərmanı olduğunu müəyyənləşdiriblər. Rusiya mətbuatının verdiyi məlumata görə, London alimləri adi dondurmanın insan əhvalını tez və xeyli yüksəltdiyini üzə çıxarıb. Onlar iddia edir ki, dondurma yemək insana sevdiyi musiqini dinləmək və ya kompliment eşitmək qədər müsbət təsir bağışlayır. Araşdırma şokoladlı dondurmanın əhvala daha xoş təsir etdiyini göstərib. Bu, şokoladın tərkibində məmnunluq yaradan hormonları stimullaşdıran maddələrin olması ilə əlaqədardır.