Britaniyada hamının marağına səbəb olan tibbi qalmaqal baş verib. Bu ölkədə 28 yaşlı Lindsi Skottun ağciyəri dəyişdirilib. Yerli mətbuatın yazdığına görə, əməliyyatdan əvvəl donorun kimliyi haqda heç bir məlumat almayan qız bu günlərdə bilib ki, sən demə, ona 30 il fəal şəkildə siqaret çəkmiş və sətəlcəmdən dünyasını dəyişmiş arvadın ciyəri köçürülüb. Bundan şoka düşən qız həkimlərdən izahat tələb edib və aidiyyəti orqanlara şikayət edib. Həkimlər isə bildirir ki, donorun siqaret çəkməsinə baxmayaraq onun ağciyərlərinin normal qaydada işləməsi mümkündür.