Deyəsən, belə getsə, dünyada cərrahlara ehtiyac qalmayacaq. İlk dəfə olaraq robot vasitəsilə cərrahiyyə əməliyyatı həyata keçirilib. "Gazeta.ru"nun məlumatına görə, britaniyalı təqaüdçü Kennet Kroker dünyada ürəyində xüsusi olaraq hazırlanmış robot vasitəsilə əməliyyat həyata keçirilən şəxs kimi tarixə düşüb. 70 yaşlı Kroker üzərində bu əməliyyat Qlenfilddəki xəstəxanada aparılıb. O, ürəyinin aritmiyası səbəbi ilə əməliyyat olunub. 90 santimetr uzunluğunda olan bu robot xəstəni uğurla əməliyyat edib. Bütün işlərə robot cəmi 1 saat vaxt sərf edib. Adətən, bu cür əməliyyatlar ən azı 8 saat davam edir. Bu müddət ərzində cərrahlar dəfələrlə rentgen aparatı silə çəkilmiş şəkillərə baxmaq üçün kənarlaşmağa məcburdurlar. Məhz cərrahlar vasitəsilə əməliyyat bu proseslə nəzarət altında saxlanılır. Xəstə isə əməliyyatdan sonra özünü çox yaxşı hiss edir.
