İndiki dövrdə uzun öbmürlüyülüyün sirrini sağlam həyat tərzi, düzgün qidalanma ilə əlaqələndirirlər. Lakin uzunömürlülüyə təsir edən amillər sən demə tək bu deyilmiş. Son 30 ildə britaniyalı xanımların ömrü uzanıb. İngiltərə mətbuatı xəbər verir ki, bunu Britaniyanın Milli Statistika İdarəsi açıqlayıb. Açıqlamada bildirilir ki, bu dövrdə ölkədə 100 yaşdan artıq yaşayan qadınların sayı demək olar ki, 5 dəfə çoxalıb. 1981-ci ildə belə xanımların sayı 2600-dək idisə, indi Britaniyada yaşı 100-ü ötmüş 11 600-dən artıq qadın var. Alimlərin proqnozlarına görə, bu tendensiya davam edəcək və 2034-cü ildə 100 yaşı ötmüş xanımların sayı indikindən 10 dəfə çox olacaq. Mütəxəssislərin fikrincə, bu, insanların sağlam həyat tərzinə daha çox diqqət ayırmaları ilə bağlıdır.