“İnsult keçirmiş xəstələrə musiqi dinləmək faydalıdır” – bu qənaətə 60 insult keçirmiş xəstə üzərində tədqiqat aparan Helsinki Universitetinin alimləri gəliblər. Onlar xəstələri 3 qrupa bölərək, bir qisminə hər gün xoşladıqları musiqini dinlədiblər, digər qisminə audio-kitablar dinlədiblər, yerdə qalanlarına isə heç nə dinlədməyiblər. Bütün xəstələrlə həmçinin standart terapiya keçirilib.Aşkar olunmuşdur ki, musiqi dinləyənlərin yaddaşlarının bərpasında insult keçirmələrindən 3 ay sonra 60 % irəliləyiş olmuşdur. Audio-kitabları dinləyənlərdə 18 %, heç nə dinləməyənlərdə isə 29 % irəliləyiş müşahidə edilmişdir. Tədqiqatın rəhbəri Teppo Skramme hesab edir ki, olduqca ucuz başa gələn musiqi terapiyasını artıq yaxın vaxtlarda geniş tətbiq etmək mümkün olacaqdır.